«Жамбыл – сөздің алыбы»

   Кеңбидайық ауылдық округінің кітапханашысы Серік Т.Н. мен мектеп кітапханашысы Дүрімхан Г. бірлесе отырып, оқушылармен бірге қазақ руханиятының темірқазығы – Жамбыл Жабаевтың 180 жылдығына орай «Жамбыл – сөздің алыбы» атты ашық сабақ ұйымдастырып, тағылымды көрме өткізілді.

Ашық сабақ барысында оқушылар ақынның өмір жолымен танысып, оның ел тағдырын жырлаған отты өлеңдерін оқып, талдау жасады. Жамбылдың суырыпсалмалық өнері, жыраулық дәстүрді жалғастырудағы рөлі және ел бірлігін жырлаған шығармалары кеңінен сөз болды. Кітапхана қабырғасында ұйымдастырылған көрмеге ақынның кітаптары, естеліктері, тарихи фотосуреттері мен мерзімді басылым материалдары қойылды. Оқушылар «Ленинградтық өренім», «Өтеген батыр» сияқты шығармаларынан үзінділер оқып, жыр әлеміне саяхат жасады.